Maca bewara nu aya dina Mangle, Kemis 31 Januari 2013. Gumbira. Dumeh tina 2 naskah anu dimuat ku redaksi. Hiji diantarana ' teu gaduh artos' kapeto janten haha pinilih Mangle. Alhamdulillah.
Ngadongeng heula...
Teu wudu hanjelu waktu kuring ningali naskah hahaha nu dimuat ngan 2 siki (Istri binangkit jeung teu gaduh artos) padahal nu dikirimkeun ka redaksi teh aya kana 5 judulna. Titenan ka 5 naskah dihandap. Padahal rarasaan mah alus. heuheu, muji ka sorangan. Tapi ka hanjelu teu dipikiran terus. Keun bae, da geus biasa. Biasa naskah tara dimuat (kitu nu mindengna karandapan ku diri kuring) tara ieuh galider. Prinsip kuring, nulis, nulis jeung nulis. Sangkan ajen tutulisan kuring beuki alus. Diajar terus diajar.
Film Déwasa
“Teu kenging nonton film nu kieu nya, ieu mah film dewasa,” kuring
mapatahan kanu jadi anak.
“Muhun, Mah.”
Sababaraha poe kaliwat...
“Mamah.... Nenek baong.”
“Kunaon geulis?”
“Tuh nenek baong. Nongton Film dewasa.”
Nina
Rahayu Nadéa-Bandung
Tong Paséa
“Sok sing anteng maén laptop, tapi tong paséa.”
“Moal, Mah,” ceuk budak panggedéna.
Kurig anteng di dapur masak. Teu lila ti kamar kadéngé
dor dar, paréa-
réa
omong. Kurunyung nu leutik ka dapur hariweusweus.
“Mah, itu geura paséa!”
“saha nu paséa téh, Éga?”
“Éga
sareng tétéh.”
Nina
Rahayu Nadéa-Bandung
Teu Gaduh Artos
“Mah nyuhungkeun artos lah.”
“Bageur geulis wayahna nya, mamahna nuju teu gaduh artos,”
Kirining sora HP disada.
“Halo, badé ka saha?” ceuk budak kuring.
“Badé
ka mamah aya teu?”
“Aya.”
“Kumaha mamahna damang?”
“Nuju teu gaduh artos.”
Nina
Rahayu Nadéa-Bandung
Sanés
Judul nu Abdi
Hiji mahasiswa datang ka tukang warnét. Rék mangmenerkeun hasil skripsina nu
dicurat corét
ku dosén
pembimbingna.
“Éta
wé,
A, nu dicorétanna
gentos.”
“Muhun,” témbalna bari anteng ngédit.” Ké ari ieu naha judul skrisina
bet dicorét?”
“Da éta
mah sanes judul skripsi abdi.”
Nina
Rahayu Nadéa-Bandung
Istri Binangkit
“Mah, masak naon ayeuna?”
“Hapunten Papah. Teu kabujeng masak. Mamahna riweuh.”
“Duh, karunya teuing. Wios atuh teu kedah.”
“Alhamdulillah.”
“Mah, tapi geuning kumaheun wadah satumpuk.. terus seseuheun nambru kénéh?”
“Muhun saur Mamah gé nuju riweuh puguh gé.”
“Riweuh naon?”
“FBan sareng chating.”
Nina
Rahayu Nadéa-Bandung
Tidak ada komentar:
Posting Komentar