Fikmin #CATETAN DIRI#

Fikmin #Catetan Diri#

Haté sugema ningali kado patulayah hareupeun panon. Bener, ning jalma mingkin serab ningali kuring nu nanjeur nyekel kalungguhan. Sigana kabéh ajrih ka diri kuring, lantaran boga jabatan nu beuki nerekel. Pantes atuh dina poéan ieu, milangkala. Ti ditu ti dieu rabul méré pangwilujeng, rabul méré amplop, rabul méré kado. Meujeuhna, pan kuring geus jadi raja dunya. Kabeh jalma tunduk kana panitah kuring. Euweuh saurang gé nu baha kana kahayang kuring, raja nu nyekel satungkebing harepan kabéh jalma. Kuring jadi pananggeuhan balaréa. Enyaan haté bungah kacida. Ku duit ning sagalana bisa dilakonan. Enya kuring geus jadi raja duit. Sanajan mindeng lampah pasalia jeung tetengger kahirupan, teu jadi masalah nu penting kabéh sapuk ka kuring.

Tiap kado diilikan, eusina disimpen di hadé-hadé. Hiji kado can dibuka, asa ahéng. Bungkusna béda tinu lain. Béréwék eusina dibuka. Aya catetan keur diri kuring ‘Wilujeng ngurangan umur, tungguan sakeudeung deui kula nepungan, ti Izrail’. Leng

· · August 29 at 5:39pm

• 
  
• 
  

  Liman Sanjaya, Godi Suwarna, Endang Rochimat and 35 others like this.
• • 
    

    Jejen Jaelani War Enggal geura tobat ulah kamalinaan!

    August 29 at 5:41pm · · 1
  • 
    

    Nina Rahayu Nadea kang Jejen Jaelani War, muhun ah bade tobat, tapi pami aya nu masihan artos sagepok kumaha?hehe. teu kiat ngacai...

    August 29 at 5:42pm · · 2
  • 
    

    Nasrul Jatnika ‎"Hadeuh, fikmin pisan tungtungna. Sae pisan. Ari maksad ungkara ieu "Pantes atuh dina poéan ieu, milangkala" saleresna kumaha? Punten, intensitasna asa janten ngirangan. Padahal parantos kiat ti wiwitan."

    August 29 at 5:44pm · · 2
  • 
    

    Nina Rahayu Nadea Hatur nuhun kang Nasrul Jatnika koreksina, maksadna milangkala ka diri sorangan.

    August 29 at 5:46pm · · 2
  • 
    

    Mancerod Tanpoaran Hèdèd..... Ndèn, sun... maangga jempolna.

    August 29 at 6:06pm via mobile ·
  • 
    

    Apoedy Sarah Ihsan Hag.. tah aya pengkeureun... heuheuheu... Mantappss.. fikmina..

    August 29 at 6:35pm · · 1
  • 
    

    Wawan Setiawan Husin ieu mah catetan kanggo sadaya...Nuhun teh Nina, tos ngapungkeun fikmin HD, emutaneun sadaya kanca nu maos...! Super heded wal hebring nasip fikminna!!

    August 29 at 11:26pm · · 1
  • 
    

    Nina Rahayu Nadea ‎Mancerod Tanpoaran, hatur nuhun ah, kade jempolna kakantun. hehe

    August 29 at 11:40pm · · 1
  • 
    

    Nina Rahayu Nadea ‎Apoedy Sarah Ihsan, alah ieung, muhun rada sieun. culang cileng. Untung ngomena disarengan ku pun lanceuk (batur sakasur)

    August 29 at 11:41pm · · 1
  • 
    

    Nina Rahayu Nadea ‎Wawan Setiawan Husin. Eunteung kangge sadayana, yen hirup teh ngan saukur saheulaanan. Masih aya jalan panjang kangge urang hirup nu langgeng.

    August 29 at 11:43pm · · 1
  • 
    

    Muhammad Shohiba Nu'man kado nu matak nyekleuk. Sae Eteh.. wilujeng

    August 29 at 11:59pm · · 1
  • 
    

    Nina Rahayu Nadea ‎Muhammad Shohiba Nu'man. Hatur nuhun, mugia aya pulunganneun kangge sadayana. Yu, urang sasarengan dianjar ngadamel fikmin. Urang mumule budaya sunda ku urang. Hidup Fikmin!!

    August 30 at 6:46am · · 1
  • 
    

    Godi Suwarna ‎:"Hebriiing, Neeng...! Tos hatam ngolah basa mah. Kantun teras milari lalakon nu aheng seprtos kieu...."

    August 30 at 6:49pm · · 1
  • 
    

    Budi Mugia Raspati Ngageuleuyeung...aya semu-semu nyindir..nenggel pungkasana..hebring!

    August 30 at 8:11pm via mobile · · 1
  • 
    

    Hady Prastya bagea, abdi mah karuhan kitu

    August 30 at 9:07pm · · 1
  • 
    

    Nina Rahayu Nadea ‎@Godi Suwarna : hatur nuhun kakang prabu, kedah sering merenung di wc, supados kengeng ilham nu aheng.. Hehe

    August 30 at 10:18pm via mobile · · 1
  • 
    

    Nina Rahayu Nadea ‎@Budi Mugia Raspati : alhamdulillah, hatur nuhun

    August 30 at 10:21pm via mobile · · 1
  • 
    

    Nina Rahayu Nadea ‎@Hady Prastya : karuhan kumaha? Dipasihan kado aheng, sepertos na carios fikmin? Hihii

    August 30 at 10:23pm via mobile · · 1
  • 
    

    Hady Prastya Gusti mah meni Deudeuh ka teteh teh,
    abdi mah mun seep mangsa, karuhan dielingan

    August 30 at 10:33pm · · 1
  • 
    

    Nina Rahayu Nadea ‎@Hady Prastya : fikmin ieu pepeling kangge sadayana khususna sim kuring, yen hirup di dunya moal langgeng

    August 30 at 11:24pm via mobile · · 2
• 
  

  
  

  Write a comment...