Oréo
Jaman Kiwari
Ku
Nina Rahayu Nadéa
Bagja lamun kaparengkeun sakabéh
anak bisa ngumpul ngariung. Alhamdulillah beuki kolot téh kabagja katambahan ku
nambahan incu. Méh tiap taun jumlah incu nambahan.
Ripuh, riweuh nyayagikeun
kadaharan téh
kaganti ku kabagja ningali maranéhna anak incu nu ngariung. Kompak
katingalina tur alakur. Sanajan dahareun anu disuguhkeun atawa nu disadiakeun
tara ieuh anu méwah. Tapi kabagja teu bisa diukur ku matéri.
Siga ayeuna. Poé Minggu.
Sigana barudak kabéh geus jangjian sangkan nganjang ka imah kuring. Atuh anu
tadina asa simpé, taya batur téh kaubaran sapada harita. Komo ningali
incu anu langsung pada muru ka kuring. Nyebut Enin... Enin... sono.
Pembantu geus tatan-tatan.
Biasa. Tibarang jol geus disadiakeun kadaharan. Lain disadiakeun kétang. Da geus biasa barudak téh
lamun daratang langsung wé popolah. Barang Jol langsung nyieun mie kocok. Béak
mie kocok langsung nyieun roti cané. Roti anu dibakar, bari jeung maké
sosis, mayonés,
teu poho maké saos luhurna. Saréak. Komo atuh da ieuh mah
kadaharan barudak nu keur meujeuhna. Harita kénéh langsung korédas.
Lain budak waé ketang anu beuki, kolot gé sarua....
Di imah lamun ditingali siga
sayang manuk téh lain bobohongan. Aya nu anyang-anyangan. Aya nu maén Bp-Bpan,
aya ogé
anu sasauangan hareupeun imah. Kabéh lalamakan di imah nu garedé
mah pasti wé
parindah ka luar. Geus puguh sabangsaning anduk, sepré, sajadah, diringkid, dipaké
tiung keur saung méh teu panas.
Ari indung bapakna. Aréak-éakan
di tengah imah. Sagala diobrolkeun sagala ditanggap. Teu weléh
galumbira . Matak resep ningalina.
“Sok ieu. Masak naon deui. Tuh barudak geus ting keleneng
deui. Sigana hayang pasakan nu anéh deui.” Wati anak kahiji cumarita ka
salakina.
“Kalem lah ké
boga resep anyar.” Salakina nangtung.
“Nyieun naon?”
“Urang nyieun oréo
goréng
gera, dijamin pédo jeung deudeuieun. Komo barudak mah pasti wé
rarampus.” Omongna bari jeung ngaléos
ka dapur.
“Tétéh... mésér oréo jig!” Kadéngé
sorana ti dapur atra. Nitah anakna nu panggedéna.
“Ah, nuju maén
Bp-Bpan atuh Pa.”
“Énggal urang masak nu anéh
geura.” Dikitukeun mah teu burung budak téh daékeun. Sanajan enya ngan meuli
oréo
wungkul, tapi nu nganter ka warungna kuat ka ngabring. 9 incu kabéh
nuturkeun.
Teu lila tidapur kadéngé sora
tingcereces. Tandaning keur aya nu dipasak. Barudak mimiti ting kulampreng. Lalar
liwat muru dapur. Kagupayan ku seungit anu bijilna ti dapur.
“Masak naon, Wa?”
“Masak oréo goréng.”
“Oréo?”
“Muhun oréo.”
“Naha da oréo
mah sanés
digoréng.
Tapi diputar, dijilat sareng dicelupin.”
“Ih. Ieu mah oréo
masa kini. Dipasak memakai terigu yang
dijamin enak. Oréo ala Uwa Wawan. “ Cenah siga nu keur promosi.
“Wah... hoyong, Wa.”
“Enya ké sakedap.”
“Héi! aya oréo
goréng.
Énggal
yeuh Uwa Wawan ngadamel” Ceuk Caca, incu ti si bungsu capétang.
Teu lila gé
incu kabéh
ngaronyom ka dapur. Oréo nu karék dijait, amrin sapada harita.
“Mana atuh keur indung bapana?“
Wati norojol ti patengahan.
“Enya kéla.... siga barudak waé.
Taya kasabaran.” Ceuk salakina bari jeung anteng ngagoréng.
Teu lila oréo
nu dibulen ku tarigu geus bérés. Terus disadiakeun kanu keur
ngariung.
“Waw... énak” Jol itu jol ieu nyebut énak.
“Nyieun deui nu anéh
geura.” Wati cumarita ka salakina.
“Taya nanaon. Oh enya aya tahu
na kulkas. Ké
urang tariguan, dicocolkeun jeung sambal céngék. Ma’nyus geura.” Cenah haget
laju nguniang. Taya kacapé. Da karesepna kanu masak. Teu anéh lamun Wawan, minantu kuring, langsung pada nitah
masak. Da pada apal, pasakanna teu weléh énak
jeung aranéh.
“Masak deui naon?” Kuring nanya
ka Wawan.
“Iyeu hoyong deui ngaropi cenah,
Mah. Tah aya tahu. Urang ditariguan, dicoélkeun kana sambel céngék. Méh seger.”
Kacaturkeun tahu goréng
jeung sambel céngék geus ngajagrag
luhureun méja. Kabéh tingcamuil kana tahu anu keur
meujeuhna haneut, laju dicocolkeun ka sambel céngék anu lada. Sanajan sareuhah
tapi angger wé diopi. Keur aranteng ngopi torojol Mamat anak nu jadi bibi.
“Ngaropi nu anéh
naon yeuh?”
“Tahu. Sok énak
geura dicocolkeun kana sambel.”
“Leuh enyaan wé,
nikmat.” Cenah bari jeng celemun deui celemun deui kana tahu aya kana 4 potongna.
Rét kana gigireun tahu. Anu
sarua dibulen ku tarigu. Terus dicokot dicoélkeun kana sambel céngék.
“Haduh, naha ieu mah tahu téh
beut amis. Jaba lada deui.”
“Nya enya atuh da éta
mah oréo
amiiis. Maenya dicocolkeun kana sambel.” Nu aya sareuri ager-ageran, kagugu ku kalakuan Jang Mamat. J ***
Tidak ada komentar:
Posting Komentar