Teu
Apal
Keur
usum HP anyar nu canggih. Touchscreen
téa ngaranna. Bisa dioprasikeun bari jeung ngan
saukur ditoél
ku leungeun. Pon kitu keur mindahkeun kanu menu lainna ngan saukur noélkeun leungeun semu ngagésér kanu
dipikahayang, langsung jalan.
Ari nu jadi budak? Sakitu geus boga HP gé, ih da ngarenghik unggal
usik. Tadina mah moal dipangmeulikeun, ngan kuningalina gudad gadeud waé
jeung mogok sakola. Kapaksa antukna dipangmeulikeun. Babakuna mah hariwang ngalakukeun
anu teu puguh, demi kahayangna ngabogaan HP. Sanajan aya sarat ti kuring, nyéta
duit keur jajan kudu dipotong sawaréh.
Manéhna
nyaluyuan, nu penting HP bisa kapimilik. Sanajan geus aya Hp mah ning jalir
tina jangji, da geuning angger wé duitna kudu weuteuh.
Keuheul
nataku waktu dina hiji poé. lima bulan satutas meuli HP anyar téa.
Datang ti sakola manéhna ceurik.
“Kunaon?”
cekéng
tumanya.
“HP
teu hurung, Pak. Teu tiasa dianggé.”
“Matakna
sing apik atuh. Maenya karék lima bulan geus ruksak deui. Kunaon?”
“Duka
atuh, Pa. Tikamari gé teu dibuka. Disimpen dina kantong. Da pulsa internétna
tos séép.
Ari tadi di sakola teu jalan. Saur réréncangan mah cenah kadedetkeun
jadi wéh
teu hirup.”
“Nya
keun wé
atuh sina istirahat heula, méh teu ngoprék waé HP.”
“Pa,
atuh, Pa. panglereskeun lah.” Katingali manéhna geus luwa lewé.
Horéam-horéam
gé
kapaksa ngencling ka service HP di kota, sakalian aya beulieun nu lain. Jeung lebar wé ketang kana Hp. Piraku
kudu ngarenghik deui meuli HP anyar mah.
“Kunaon
HPna, Pa?” tanya nu jaga.
“HPna
teu tiasa hurung pisan.”
“Oh.”
Katangen manéhna
ngoprék
HP sababaraha lila.
“Sandina
naon, Pa? Supados terang panyawatna ieu HP kedah dibuka. Ngan kakonci.”
“Janten
kumaha?” Kuring malik nanya.
“Taroskeun
ka putra bapak. Sandina naon kitu.”
“Néng.
Ieu sandina naon?” kuring ngaSMS budak kanu HP hiji deui.
“Teu
apal, Pa. Wartoskeun teu tiasa dibuka kituh.”
Dibéjakeun
wéh
ka tukang servis yén budak kuring teu apal sandina.
Tukang
servis kerung. “Muhun supados terang panyawatna, kedah aya sandina. Supados
gampil mariksana.”
“Néng
naon cenah sandina?” Kuring ngajorowok dina telepon.
“Teu
apal, Pak. Ih, Bapak teh meuni keukeuh naroskeun waé.” Kadéngé sora budak tarik.
“Ih
budak téh
teu ngarti waé.” Kuring nutupkeun telepon, amitan kanu boga toko.
“Maenya
teu apal nu boga HP téh. Paingan atuh HP ruksak
da sigana dipaké
waé
ku batur, nepi ka sandi nu sorangan teu apal.” Kuring kutuk gendeng kanu jadi
anak, basa geus aya di imah.
“Ari
Bapak kunaon datang téh beut ambek ka Enéng?”
“Ditanya
sandi nepi ka teu apal. Dasar lieur!”
Budak
olohok. Teu lila ceuleukeuteuk seuri
sorangan. Gutrut nulis na kertas. “Ieu, Pa sandi HP téh.” Manéhna némbongkeun kertas. Di dinya
ngajeblag tulisan TEU APAL.***
Nina Rahayu Nadéa
Tidak ada komentar:
Posting Komentar