 |
| Paguneman di Jero Damri" Cerita remaja di Majalah Mangle, 3-10 Juni 2020 |
Paguneman di Jero Damri
Ku Nina Rahayu Nadéa
Damri jurusan
Cicaheum-Cibeureum eureun waktu tilu
lalaki ngora maké baju olah raga nyegat lebah sélter beus hareupeun Stadion Pérsib.
Kalacat maranéhna naék.
“Jir,
heurin euy, Nang. ” Ceuk lalaki nu maké
topi bodas.
“Milik
alus. Urang mah meunang tempat diuk. Haha.” Danang nyarita. Gék
diuk di korsi ka opat tukangeun supir.
“Ah,
geuleuh, diuk siga awéwé. Éra tah ku baju bola manéh. Baca tuh, utamakan yang
hamil dan lansia.”
“Ngomong
wé
sirik kituh. Nya Dén, kita mah santai aja di sini.”
“Meunggeus
gandéng,
itu penumpang marelong ka urang.” Deni nu diuk gigireun Danang nyarita.
Lagu Nicky Astria nu disetél
ku supir langsung dipareman. Sorana kalindih ku tilu rumaja anu ngomong tarik. Panumpang anu keur nundutan, nu nyoo HP atawa nu maca buku eureun tina
kagiatanana. Melong ka tilu lalaki. Pasti kaganggu, da ti barang naék
ngobrol tarik nakeran. Sagala diomongkeun.
“Korona
téh
rejeki keur urang nya, Dén.”
“Gandeng,
Wan. Ka mana waé nyarita téh. Sieun urang mah.”
“Lain
kitu, bro. Pan berkat korona. Sakola kita jadi libur.”
“Lain
libur. Belajar di rumah. Pembelajaran jarak jauh.”
“Ah,
sia. Kawas nu heueueh. Ning, manéh ngadon maén bal.”
“Éta
mah keur kaséhatan.
Héhé.”
“Mun
sakola mah si Wawan, biasana jam sakieu téh keur diceramahan ku Pak
Burhan.” Danang nyarita.
“Heueuh
anjir. Urang ni kesel tah lamun geus adu hareup jeung Pak Burhan. Euweuh ka
bosen mamatahan.”
“Salah
manéh
atuh mamaké
calana pénsil.
Nyaho teu meunang. Terus wé dipapaké.”
“Méh
gaya brow. Keun wé sina boseneun.”
“Alun-alun...
Alun-alun.” Kondéktur ngagorowok.
“Ayo,
Néng
manis di sini duduknya.” Wawan nyarita waktu aya dua awéwé naék. Nu ditanya teu nolih, leumpang ngaliwatan maranéhna.
Diuk di korsi tungtung.
“Haha...
moal payu ka manéh mah, Wan. Apaleun euweuh duitan.”
“Gélo
siah. Yeuh urang loba duitna.” Ngusiwel
kana saku calana. Mikeun kertas ka Danang.
“Ngomong
wé
teu gableg duit. Ngadon méré kertas.” Danang ningali kertas dina leungeunna. “Anjirrr peunteun
saratus ulangan bahasa Indonésia. Légég ngahaja némbongkeun
ulangan nu kamari.”
“Aing
téa
atuh murid teladan. Bahasa Indonésia mah dilalab.”
“Percaya
teuing ka si Wawan. Sakitu niron waé téh. Apal lah urang gé
meunang niron ti si Andri.”
“Ih,
nanaoan percaya ka batur. Mending percaya ka Mbah gogel.”
“Tuh
pan ngaku meunang niron tina gogel. Rajeun saratus meunang niron. Mending siga
urang percaya diri.”
“Bari
jeung teun opat. Haha. Mending gedé, saratus, baé niron gé
da moal apaleun.”
“Niron
téh
sebagian dari korupsi.”
“Sakieu
gé
geus usaha. Maraban quota unggal waktu. Éta téh pan pengorbanan.”
“Andir...
Andir.” Kondéktur
méré tangara
ka panumpang nu rék eureun di Andir.
Lalaki
umur tilu belas taunan naék.
“Dé...
Dé...
sini duduknya.” Danang ngagupay.
Nu
digupay teu ngalieuk. Ngajanteng tukangeun pisan supir beus. Sieuneun sigana.
“Meunggeus
tong diheureuyan karunya.”
“Taruhan jeung
urang nya. Bakal ngalieuk gera.”
“Dé...
Dé
... Héy.
Sini liat ada tiktok baru.” Wawan nyilangkeun
leungeun katuhu jeung kénca piligenti awakna doyong ka hareup laju leumpang ka
lalaki nu disebut Dédé sanggeus deukeut dua leungeun dirapetkeun, cong nyembah.
Leungeuna méh
adek ka gado Dédé. Dédé melong seuri kapiasem. Wawan ngaléngkah mundur, awak angger doyong
nyembah ka Déni.
“Berhasil...
berhasil Horéé.”***
Profil
Penulis
Nina Rahayu Nadea. Menulis dalam bahasa
Indonesia dan bahasa Sunda. Karyanya dimuat di:
Pikiran Rakyat, Galamedia, Kabar Priangan, Majalah Kartini, Analisa
Medan, Radar Bojonegoro, Majalah Potret Banda Aceh, Majalah Baca Banda Aceh,
Suara Karya, Suara Daerah, Majalah Kandaga, Majalah Mangle, SundaMidang,
Galura, Tabloid Ganesha, Tribun Jabar,
Koran Merapi Yogyakarta, Majalah HAI, Majalah Loka Tasikmalaya, Majalah
Guneman, Sastra Sumbar, Majalah Bobo,
Buletin Jejak, KOMPAS, Kedaulatan Rakyat Yogyakarta, Solo Pos, Joglo Semar,
Radar Banyuwangi, Jabar Ekspres, Majalah Geliat, Rakyat Sultra-Sulawesi
Tenggara, Koran Pantura Probolinggo,
Majalah Cianjur, Koran Haluan Sumatera, FTBM Jabar dll
Novel
yang telah dibuat diantaranya: Memahar Rembulan (BIP – Gramedia digital), Ilalang Belakang Sekolah ( BIP- Gramedia digital), Dua Hati (BIP – Gramedia digital), Menantimu ( di penerbit Anomali), Suara dari Langit (penerbit Anomali), Bersama Bapak dalam Goresan Tinta
(Guneman Publisher). Jomblo Sejati
(Leutika Prio Yogyakarta), Bersama Bapak
dalam Goresan Tinta (Guneman Publisher), Cerita dari Sahabat Terbaik (Proses terbit) Kisah 4 Kucing (Proses
terbit), Kamu Akhirnya Bisa Menulis
Fiksi dan Nonfiksi (Proses terbit) serta puluhan
antologi lainnya.
Tidak ada komentar:
Posting Komentar