Panineungan Lebaran
Ku Nina Rahayu Nadéa
Lebaran geus
kaliwat. Nu marudik geus mulang ka tempatna séwang-séwangan. Mudik ti lembur panineungan.
Sarakan tempat maranéhna lahir tur digedékeun. Ditingalkeun pikeun saheulaanan,
anu dipiharep poe engké baris ditéang deui. Lembur anu salilana neundeun
kamelang jeung dipitineung. Panineungan nu teu weléh diteundeun dina haté.
Ngalangkang salilana hésé dipopohokeun.
Lembur jeung lebaran
panineungan, hiji perkara anu kacida
pakuat kaitna. Hésé pikeun digambarkeunna. Pilakadar lebaran di lembur? Ehm, teu bisa disebut pira.
Da buktina carita ngeunaan ieu hésé leungitna. Teu weléh
nyuaykeun pangalaman anu saméméhma kungsi kasorang. Pangalaman
ti keur leutik, nepi ka diajar mikaresep
awéwé
anu dipicangcam. Gambaran anu tinangtu bakal ting pucunghul pareng lebaran di
lembur. Carita jeung panineungan di lembur pasti datang deui malikeun panineungan
waktu nu larung dina implengan.
Saperti carita dina
“Keur Kuring di Lembur,” yasana Dian Hendrayana Wedalan PT IndahJaya Pratama.
Tokoh kuring-Adang nu antukna kudu panggih jeung panineungan dina mangsa mapag
lebaran di lembur.
Kumaha tibelatna Adang
ka lembur. Lain karna rék panggih jeung Lebaran nu utamana mah. Tapi panineungan
ngeunaan mangkakna tresna munggaran nu sabenerna hésé leungitna. Sanajan, manéhna
geus miheulaan. Teu nyangka, padahal nu gering teh geus katengan rék
maju ka cageur.
Lembur anu salila
ieu ngagedékeun
Adang. Kampung Garokgék, Kecamatan Wanayasa, Purwakarta. Lembur anu kaasup enggang
ti kota kecamatan, Wanayasa aya kana tujuh kilona. Lembur anu patétéeé
ku tangkal entéh jeung entéh.
Di Kampung Garokgék.
Lembur anu geus nepungkeun Adang ka hiji awéwé geulis, Néng
Emay anakna Mang Ulis. Dumukna di Garokgék Tonggoh. Ti kampung Adang ka Kampung
Mang Ulis téh
ukur kaselang ku pasawahan. Mang Ulis kacida hormatna ka aki Adang, duméh
nu jadi aki kungsi nyekel kalungguhan
Ulis puluh-puluh taun, méméh dicekel ku Mang Ulis ayeuna.
“Sakedap deui bade
ka SMA panginten nya?” Omong Bi Ulis,”Mani patutur tutur pisan jeung Néng
Emay.”
Ti dinya mimitina
haté
diwarnaan ku ngaran Néng Emay. Sanajan harita Bi Ulis nu nyarita tapi beut
kungsi ngadéngé
ngaranna. Néng
Emay.
*
Jeung
Néng
Emay aya rasa anu hésé
dikedalkeunna. Najan ku batur, ku Rosman jeung Acép mindeng digonjak yén
aya haté
kadua leutik. Tapi Adang sok nampik. Padahal dina haténa mangenyakeun. Lebah neuteup cukang,
panineungan nyalampeurkeun. Di dinya pisan leumpang téh sok ngahaja dialon-alon,
lamun pareng meuntas jeung manéhna. Manéhna muntang kana pigeulang mun
geus nyukang ka tengah-tengahna.
Sanajan taya sora, taya carita anu kaluar tina biwir. Tapi tina linduk teuteupna jeung
imutna, surti dina diri yén haté miboga manéhna.
Kumaha getén
jeung salempangna Néng Emay waktu kuring elat tarawéhan pédah dibéjakeun ku sobat kuring Rosman,
yén
cenah kuring gering. Kumaha ngutamakeunna Néng Emay lebah boga dahareun.
Perhatian anu ceuk kuring cukup niginkeun haté nu daria yén
aya ngaranna diteundeun dina haté.
Néng Emay, awéwé geulis panggeulisna lain waé
ceuk kuring tapi ogé nu lain. Teu anéh mun loba mangnyirikeun ka Adang pédah
geus wani deukeut jeung Néng Emay. Buktina
nepika Rohiman ngancam sagala ka Néng Emay jeung Entat, sangkan tong wani nyeuseuh atawa mandi di tampian
lebak. Tampian Mang Sahri, bapakna Rohiman. Mana kitu gé meureun remen ningali mun Adang
keur pareng nganteur Néng Emay ka imahna mun tas ditampian. Mana kitu gé manéhna aya haté
kadua leutik ka Néng Emay.
Carita nu kacida écés némbongkeun kasalempang haté
antara Adang jeung Néng Emay. Carita anu antukna kudu kapilem deui dina pikiran,
duméh
tokoh dina ieu carita mulang ka lembur mapagkeun lebaran.
Lian ti ngaguar
carita tresna, loba carita lain anu ébréh dina ieu carita pilemburan
anu matak narik ati pikeun nu maca. Loba
pangalaman réligius
anu kacida loba pulunganeun pikeun nu maca. Perkara tarawéh,
puasa, ogé
nu hatam qur’an. Kalawan gemet dicaritakeun dina ieu carita. Narik ati nu maca
sangkan ngarasakeun kumaha ni’matna
kaayaan pilemburan harita.
Mun pareng aya nu hatam qur’an. Sok aya sukuran atuh
pasti aya acara numpeng jeung cai kembang nu diwadahan kana baskom. Cai kembang
nu sok diboro, dipaké mandi. Majar téh ngarah junun kana ngaji. Sangkan kaeunteupan
jejem dina ngaji. Tangtu waé ieu téh kudu dibarengan ku niat anu
hadé
sangkan ihtiar sarta kudu getol ibadahna. Bandingkeun jeung budak jaman kiwari?
Kacida matak muringkakna. Loba budak anu tacan hatam quran sakali kali acan,
sangkilang umur geus balég. Jajauheun ka hatam, dalah loba nu teu apal kana huruf
hijaiyah.
Lebah mapag puasa
karasa pisan hidmat mah. Lantaran dicaritakeun yén sapoé méméh puasa téh
waktuna beberesih jeung silihampura sililubarkeun dosa. Katangen pisan dina
carita ‘Mapag Puasa’.
Rosman ngasongkeun
dampal leungeun. Panonna katangen beueus. Gabrug Rosman ngarangkulan bari jeung
anteng sasalaman. Acép mah méhméhan carinakdak pareng nampanan
réma
Rosman téh.
Sarua deuih tepi ka nagarangkulan ka Acép gé... ( kaca 37)
Beut jadi kabayang
barudak jaman ayeuna. Mun téa mah kaayaan siga Acép
jeung Rosman harita tada teuing éndahna nyanghareupan puasa téh.
Pan jaman ayeuna mah boro-boro. Rék panggih puasa téh
meureun mending ogé ngobrol ngariung jeung babaturan curak curak. Ulin ka
mall, nongton pilem, jajauheun ka sili hampura. Kolot loba nu hariwang,
ngarep-ngarep budak nu elat balik ka imah.
Atuh carita dina
lembur kuring ogé jadi mecut keur nu maca, réhna sanajan urang cicing di
lembur anu jauh ka ditu ka dieu. Aya hal lain anu kudu jadi catetan sarta jadi
eunteung saréréa,
nyéta
lebah nyiar élmu.
Yén
élmu
téh
kudu disiar nepi ka mana waé. Atuh basa Dang Iwan putra Lurah hormat
bisa neruskeun sakola ka Paguron luhur tangtu waé jadi carita anu jadi sabiwir
hiji. Dang Iwan mangrupa turus, lantaran budak munggaran anu bisa neruskeun
sakola nepi ka luhur. Tangtu waé hal ieu jadi pamecut keur nu lain aya
Kang Alam nu nuluykeun ka Asti. Kitu deui Riki putra Wa Ocah ngiluan neruskeun
sakola kanu leuwih luhur. Kitu deui Adang, nu antukna ninggalkeun Néng
Emay lantaran sakola ka Subang.
Sanajan teu kasusud,
taya cepengan perkara ngaitna tresna antara Adang jeung Néng
Emay, tapi nu maca tangtu sapuk yén Néng Emay jeung Adang aya kakait
ati sanajan teu kungsi cacarita. Teu kudu siga Rosman anu langsung balaka ka
Entat, nu antukna maranehna ‘jadian’. Ukur kembang kananga nu jadi saksi aya
gumeter asih nu mangkak dina dada.
“Kanggo Adang. Omat
ulah dugi ka dipiceun...”
“Adang moal lali ka
Emay?” pokna deui.
“Salami Emayna
heunteu mikalali,” ( kaca 90)
Beuki deukeut ka poéan
lebaran karasa pisan bedana kaayan di lembur. Lian ti nyieun bedil sundut, oge nyieun colen
(oncor) nu maké tihang satangtung, anu dieusian paling saeutik lima sumbu. Pitilu poéan
kana takbiran kadéngé patémbalanna ku sora bedil sundut, ti sabaraha lembur. Beuki
haneuteun pareng nu nyaraba mimiti jul jol ka lembur ngadon lebaran. Pareng nu
datang téh
mawa babawaan anu loba. Kacida bungahna
sarta éta
babawaan téh
pinasti dibikeun ka babaturan. Tah lebah dieu pisan anu kudu dipulungan, siliasaan
pareng meunang rejeki anu leuwih. Atuh urang lembur meunang ngarasaan kadaharan
anéh
bawa ti kota.
Carita lawas di
lembur anu narémbongan deui. Basa tokoh Adang balik ka lembur jeung
kulawargana. Adang anu sabenerna hésé pikeun ngaleungitkeun ngaran Néng
Emay dina haté. Kudu nyumputkeun semu ka pamajikan anu ka béh
dieunakeun katangen timburu. Pamajikan anu asalna haré-haré, haré-haré sotéh meureun can apaleun. Ning béh dieunakeun remen nyindiran. Mana
kitu gé
timburu.
“Éta
nyah Néng
Emay-Néng
Emay téh?”
ceuk pamajikan basa geus na jero mobil.
“Kuring ukur ngarérét
ka pamajikan,”Geuning terang?”
“Ti Ceu Nina.” Kadéngé dédéhéman,
lain déhém
enyaan,”Mangkaning randa nya?”
Teu ditémbalan
ku kuring. Budak nu dua kadéngé ribut parebut ranginang.
“Teu kenging paraséa.
Bilih dipasihkeun ka randa kéh!” ceuk pamajikan.
Panineungan lembur
jeung manéhna
hésé
leungitna. Néng Emay nu ayeuna kari waasna.
“Ulah lali ka Emay!”***
Tidak ada komentar:
Posting Komentar