Fikmin #Tukang Dagang#

Fikmin #Tukang Dagang#

Kesel. Titadi leumpang nuturkeun manéhna, leuheung lamun téréh leumpangna. Ieu mah ngarayap lain bohong. Rék nyiap leumpang tiheula, teu bisa. Da kahalagan ku tanggungan manéhna. Leuh kumaha atuh. Ari manéhna tonggoy wé leumpang antaré. Euweuh kacapé, sanajan bari jeung nanggung dagangan. Teuing dagang naon atuh, da biasana mah nu dagang téh gogorowokan. Ning ieu mah kemba waé. Alhamdulillah kabantuan. Waktu ti hareup aya motor. Manéhna tonggoy. “Sugan torék meureun,” gerentes haté. “Tidiit,” klakson disada tarik, manéhna ngarenjang, laju ka sisi. Mépédkeun tanggunganna ka hiji imah. Sabot motor distater, kuring miheulaan leumpang ngaliwat kanu mawa tanggungan. Panon rada ngagiler ka manéhna. Beu, pantesan tatadi tonggoy leumpang. Sihoréng sakadang HP geus jadi budakna, nawarkeun dagangan via Sms.

Like · · · Yesterday at 2:56pm

• 
  
• Cicara Cac, Liman Sanjaya, Nyai Endit and 27 others like this.
• 

  Asép Yudhi Al-Jayagiri Rupina sakedap deui janten toko online.

  Yesterday at 3:13pm via mobile · Like
• 

  Nina Rahayu Nadea Asep Asép Yudhi Al-Jayagiri. Hihi. Muhun kang tukang dagang tanggung oge, kapayun mah tiasa muka dagangan online...

  Yesterday at 3:15pm · Like
• 

  Eulis Watidihati Sae lakh ...
  ( Bdg, Chiptaning Simphonie, 24 Sept 2012 ).

  Yesterday at 3:41pm · Like
• 

  Nina Rahayu Nadea Eulis Watidihati, hatur nuhun. Diantos kritikna.

  Yesterday at 3:43pm · Like
• 

  Nina Rahayu Nadea Kangeri Kustiaman, nuhun jempolna

  Yesterday at 4:04pm · Like
• 

  Kangeri Kustiaman Tos modern reh ?, hiji waktu mah kajantenan beja nabrak BMW alatan si emangbecana anteng SMS-an bari ngaboseh

  23 hours ago · Like
• 

  Godi Suwarna :"Weiis, asoooy, Neeenk...! Kalimah awal tos ngabetot nu maca hayang nyaho kumaha tuluyna. Runtuyan kalimahna salajengna sambung sinambung nganteur jeung ngajawab kapanasaran nu ma...See More

  23 hours ago · Like
• 

  Nina Rahayu Nadea @Kangeri Kustiaman.. Muhun kang seueur kajantenan kitu.

  18 hours ago via mobile · Like
• 

  Nina Rahayu Nadea @Godi Suwarna: hatur nuhun. Hayu urang asoooyyy heuheu

  18 hours ago via mobile · Like
• 

  Godi Suwarna :"Hahaha...! Nenenk Nina memang asooooy dekh...! Kawitna, uing bade kritis. Kieu, naha si Tukang Dagang bet nananggung dagangan mapay jalan ari tos kagungan HP mah. Kantun sila ipi...See More

  18 hours ago · Like · 1
• 

  Nina Rahayu Nadea @Godi Suwarna: hehe... Nu icalan bari ditanggung ge ayeuna mah tara kalangkung nyandak hp

  18 hours ago via mobile · Like · 1
• 

  Write a comment...

Options

Facebook © 2012 · English (US)

About · Create an Ad · Create a Page · Developers · Careers · Privacy · Cookies · Terms · Help

Fikmin #Pemburu Korupsi#

Fikmin #Pemburu Korupsi#

‘Dua dunia’, ‘Dunia lain’, ‘Uji nyali’, ‘Serba-serbi dunia lain’, ’Pemburu hantu’. Kabéh geus ngajadikeun sabangsaning dedemit, jin, ririwa pating keuleuweuh. Kalaluar lain mangsa, lain wayah. Maluter dina sirah-sirah jalma nu geus ngarobéda. Nyeuitan haté, nyasaak pakayana jeung renggenekna. Nyiruruk di mana waé. Bongana da bongana. Ayeuna maranéhna nyarieun komplotan. Démonstrasi. Rék ngabaladah jalma, nyieun komunitas ‘Pemburu korupsi’.

Like · · · Saturday at 10:38am

• 
  
• Irman N Dimyatie, Godi Suwarna and 22 others like this.
• 

  Joey Pengganti Wiro Tah saè pami kitu mah..

  Saturday at 12:22pm via mobile · Like
• 

  Nina Rahayu Nadea Joey Pengganti Wiro. Sok kesel nyalira atuh kang, ari mahluk gaib dipilarian, ari para koruptor anu puguh wujudna angger kukurilingan.

  Saturday at 1:22pm · Like · 1
• 

  Nina Rahayu Nadea Rameli Agam, Ida Nurulhuda nuhun jempolna...

  Saturday at 1:49pm · Like
• 

  Apoedy Sarah Ihsan Sapertos anu disebatan di luhur, dua dunia, dunia lain jsb. Aya skenario-na.. ari Pemburu Korupsi pasti aya sutradara sareng skenario-na oge jigana... heuheuheuheu....

  Saturday at 3:36pm · Like
• 

  Nina Rahayu Nadea @Apoedy Sarah Ihsan; leres kitu pisan sigana, janten nu korupsi beuki mahabu

  Saturday at 4:32pm via mobile · Like
• 

  Aris Kumetir Sim uing ngiringaaan janten anggahotana...

  Saturday at 9:50pm · Like
• 

  Nina Rahayu Nadea @Aris Kumetir, anggahota nu mana? Nu gaib atanapi nu bungkeleukan?

  Yesterday at 5:48am via mobile · Like
• 

  Write a comment...

Options

Fikmin #SKTM#

Fikmin #SKTM#

Dedeg pangadegna sembada. Awak jangkung. Cop pisan lamun disangka TNI. Disusul ti tukang awéwé lenjang geulis siga bidadari, pakéana jaman kiwari. Buuk semu beureum ngaharib-harib urang bulé. Emas nu dipake lir toko maju. Tina pigeulang leungeun nepi ka siku reunceum emas. Dina ceuli raweuy anting sadua-dua. Gék diuk ka bagian administrasi seja ngadaftarkeun budakna ka sakola. Teu poho SKTM, diteundeun dipangluhurna.

Like · · · 22 hours ago

• 
  
• Liman Sanjaya, Iwan Hanjuang, Yayan 'Bedog' Supriatna and 17 others like this.
• 

  Nina Rahayu Nadea Nuhun jempolna @ Rudi Alfajari

  20 hours ago · Like
• 

  Nina Rahayu Nadea Nuhun Eulis Watidihati,

  20 hours ago · Like
• 

  Apoedy Sarah Ihsan hahahahaha.. kandel kulit beuteung ieu mah... heuheuheu...

  19 hours ago · Like
• 

  Nina Rahayu Nadea Apoedy Sarah Ihsan, Kisah nyata ta mah kang. Muhun sigana sanes kandel kulit beunget deui, duka tah diharundum ku kulit badak sigana. haha

  19 hours ago · Like
• 

  Hadi Aks Calakan tah akal-akalanana si Ibu, reunceum oge mentingkeun mawa SKTM! Hahaha....

  19 hours ago · Like
• 

  Kokom Komariah Seueur di rumah sakit oge nukituteh, HP BB emas reunceum, anggoan model ayeuna. Ari nebus obat kanu pagelek -gelek nganggo jamkesmas.

  19 hours ago via mobile · Like
• 

  Elis Sri Yovita ku ayana BOS eta serat teh tos teu berlaku deui..

  18 hours ago · Like
• 

  Jojo Johari Heuheuheu.. dugi ka kituna geuning? ..hareueuh?!

  17 hours ago · Like
• 

  Yusuf S. Martawidenda Kénging SKTM téh kedah ka RT, RW sareng Desa. Kantos aya hiji kepala désa nawis SKTM tapi nganggo perjanjian bermaterai nu isina kepala desa teu tanggel waler kana SKTM téa. Rupina, tos buntu nolak akhirna nyakitu.

  17 hours ago · Like
• 

  Jilan Fitri eyyyy ah. sina ka pangaosan aa gym geura, di ditu mah saurna pami kersa dipasihan (komo bari jalmi aya) teh tandaning mentalna miskin:D

  16 hours ago · Like
• 

  Nina Rahayu Nadea Hadi Aks. Leres calakan, hihi

  4 minutes ago · Like
• 

  Nina Rahayu Nadea Kokom Komariah. Leres ambu. Janten seueur anu kedahna kenging hak janten teu kenging. Kumargi lahanna seep ku nu sanes hakna.

  3 minutes ago · Like
• 

  Nina Rahayu Nadea Elis Sri Yovita. Kutan? ah geuning di sakola pribados mah angger we reuteum SKTM. hihi

  3 minutes ago · Like
• 

  Nina Rahayu Nadea Yusuf S. Martawidenda. Muhun sigana kitu tah akang. Seeuer teuing. Janten lieuur

  2 minutes ago · Like
• 

  Nina Rahayu Nadea Jilan Fitri. Keda dipasihan wejangan unggal dinten nya. Aneh nya, jalmi mampu tapi ngalaip-laip anjeun.

  about a minute ago · Like
• 

  Write a comment...

Options